Bu layihə mənim üçün, hər ay proqramlaşdırma texnikalarının yeni yeməyini təqdim eden qastronomik bir macəraya bənzəyirdi. Frontend ləzzətlərindən tutmuş Backend ədviyyatlarına qədər, mən və yoldaslarımın son layihəmizi aşpaz dəqiqliyi ilə hazırladığımızı düşünürəm. Layihədə əməyi keçən hər kəsə - sponsorlardan tutmus hər dəfə ofisə exam üçün gələndə bizi çay/kofe ile təmin edən baristaya qədər hər kəsə öz təsəkkürlərimi bildirirəm.

8 ay mənim gələcək karyeramı hansı istiqamətdə yönləndirəcəyimə qərar verə bilməyim üçün çox faydalı oldu. Layihə gecə-gündüz hazırladığım projectlərlə, çox maraqlı və faydalı təlimləri ilə, hal-hazırda da layihənin bitməyinə baxmayaraq həyatımda olmağa davam edəcək. Dostlarla və müəllimlərimizin hər zaman bizim öyrənməyimiz üçün çox əziyyət çəkmələri ilə mənim xatirələrimdə qalacaq.

Bu layihə sayəsində mən, özümü kəşf etdim deyə bilərəm. Yeni biliklərə yiyələnmək, yeni tanışlıqlar qurmaq olduqca xoş idi. Düşündüyümdən daha bacarıqlı olduğumun və istəklərimdən heç bir zaman vazkeçməməli olduğumun fərqinə vardım.

Layihə müddətində Full Stack Proqramlaşdırma ilə bağlı biliklərə yiyələndim, yeni insanlarla tanış oldum. Layihə rəhbəri, müəllimlər və mentorlar bu müddət ərzində daim bizə dəstək oldular, hər bir sualımızı cavablandırmağa çalışdılar. Dərslərlə yanaşı təşkil olunan təlimlərdə təcrübəli insanlarla ünsiyyət qurub, onların fikir və məsləhətlərini dinlədim. Layihəyə qatıcalacaq yeni iştirakçılara uğurlar!

Layihə düşündüyümdən daha möhtəşəm keçdi. İstər qazandığımız texniki bacarıqlar olsun, istər yumuşaq bacarıqlar, istərsə də maraqlı xatirələr hər biri unudulmayacaq qədər dəyərlidir. Bu layihədə əldə etdiklərim həyatımın bundan sonrakı illərində gələcəyimi istiqamətləndirməyimdə mənə çox kömək olacaq. Burada əldə etdiyim biliklərlə kariyeramı qurmaq, qazandığım dostlarla daha gözəl günlər keçirtmək şansı qazandığıma görə “Coders Caravan” üçün zəhməti keçən hər kəsə təşəkkür edirəm.

Layihə müddətində həqiqətən strukturlu bir şəkildə proqramlaşdırmaya yiyələndik və iş mühitinə hazırlandıq, yeni dostlar qazandıq. Layihə zamanı bəlkə də ən yadda qalan zamanlar rayonda, yaxud Bakıda toplandığımız və “soft skills” haqqında seminarların olduğu zamanlar idi. Doğrudur bəzən ağır olsa da, bunu bacarmaq qürur vericidir.

Coders Caravan layihəsi gözləntilərimdən də yüksək səviyyədə keçdi. Nə qədər çətin olsa da, yolun sonunda məqsədə çatdıqda çəkilən zəhmətlərin boşa getmədiyinin gördüm. Qazandığım biliklər, bacarıqlar, eyni zamanda qurulan dostluqların həyatımın bütün dönəmində müsbət təsir göstərəcəyinə əminəm.

Layihə mənim üçün bir yol xəritəsi oldu. Eyni zamanda intensiv bootcamp olduğu üçün disiplinli çalışmağı daha da inkişaf etdirdim. Bu sahədə qatıldığım proqramlar və layihələr içərisində zirvədədir. Bundan sonra da dəyişəcəyini düşünmürəm